រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ថ្នាក់ដឹកនាំ មន្ត្រីរាជការ ខេត្តបាត់ដំបង បានរៀបចំពិធីបួងសួង ក្រុងពលី សូត្រមន្ត និងរាប់បាត្រប្រគេនព្រះសង្ឃ ៥៧អង្គ ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំកុរ ឯកស័ក ព.ស២៥៦៣ គ.ស ២០១៩

ដោយ Sotheavyចំនួនទស្សនា (607)

ថ្ងៃព្រហស្បតិ៍ ៧កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ ខែមេសា ឆ្នាំ២០១៩ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង អញ្ជើញជាអបតីភាព ពិធីបួងសួង ក្រុងពលី សូត្រមន្ត និងរាប់បាត្រព្រះសង្ឃ ៥៧ អង្គ ក្នុងឱកាសបុណ្យចូលឆ្នាំប្រពៃណីជាតិ ឆ្នាំកុរ ឯកស័ក ព.ស២៥៦៣ គ.ស ២០១៩

ពិធីបុណ្យចូលឆ្នាំខ្មែរនិងឈានចូលមកដល់ឆាប់ៗខាងមុខនេះ ជារៀងរាល់ឆ្នាំ រដ្ឋបាលខេត្តបាត់ដំបង តែងតែរៀបចំពិធីក្រុងពលីបួងសួង រៀបចំសង្ក្រាន្តឆ្នាំថ្មី និងសុំសេចក្តីសុខសប្បាយ ដល់ថ្នាក់ដឹកនាំ មន្រ្តីរាជការប្រជាពលរដ្ឋទូទាំងខេត្ត។

រដ្ឋបាលខេត្តបានរៀបចំពិធីបួងសួងសុំសេចក្តីសុខ សប្បាយនៅតាមទីសក្ការៈបូជាមានអាសនៈព្រះភូមិក្រោមដើមពោធិ៍ផ្លូវចូលសាលាខេត្ត លោកតាដំបងដែកថែរក្សានៅសាលាខេត្ត និង លោកតាដំបងគ្រញូងថែរក្សាដែនដីនិងប្រជាពលរដ្ឋទាំងអស់ទូទាំងខេត្តបាត់ដំបង និងនិមន្តព្រះសង្ឃសូត្រធម៌ចំរើនព្រះបរិទ្ធប្រោសព្រហ្ម សិរីសួរស្តី ដល់ថ្នាំដឹកនាំ មន្រ្តីរាជការ រាំរបាំត្រុត និង មានរាប់បាត្រប្រគេនព្រះសង្ឃទាំង៥៧អង្គផងដែរ។

ក្នុងពិធីនេះក៏មានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត អស់លោក លោកស្រី ប្រធាន អនុប្រធាន មន្ទីរអង្គភាពជុំវិញខេត្ត៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 17 ម៉ោងមុន