រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


គ្រួសារកសិករមួយនៅជើងឃុំភ្នំសំពៅ ស្រុកបាណន់ ប្រកបរបរដាំផ្កាស្បៃរឿងលក់អាចរកចំណូលបានជាង២លានរៀលក្នុង១ខែ

ដោយ Reth Sotheavyចំនួនទស្សនា (118)

ប្រជាកសិករខ្មែរយើងភាគច្រើនតែងប្រកបមុខរបរកសិកម្ម គឺស្រែ ដាំបន្លែ ផ្លែ ឈើ ដំណាំឆ្លងកាត់ តាមរដូវកាល តាមចំណង់ចំណូលចិត្ត ឬ តំរូវការរៀងៗខ្លួន ។ ដោយឡែក គ្រួសារកសិករមួយដែនប្តីឈ្មោះ យឿត ភា អាយុ៤៦ឆ្នាំ ប្រពន្ធឈ្មោះ ឆប ធឿត អាយុ៤៤ ឆ្នាំ រស់នៅភូមិសំពៅកើតឃុំភ្នំសំពៅស្រុកបាណន់ ខេត្តបាត់ដំបងបាននិយាយប្រាប់អ្នកយកព័ត៌មានយើងថា ពួកគាត់បានប្រកបមុខរបរដាំផ្កាស្បៃរឿងនៅលើផ្ទៃដីទំហំ ៣០ម×១០០ម គឺដាំបាន១ម៉ឺន៥ពានដើមលើទំហំដីខាងលើនេះ ដោយយកគ្រាប់ពូជជា២ប្រភេទ គឺគ្រាន់ពូជមកពីថៃ និង គ្រប់ពូជនៅខ្មែរ។

លោកបានរៀបរាប់ថា ការដាំដើមផ្កាស្បៃរឿងនេះលោកមិនបានទៅរៀនបច្ចេកទេ ពីណាមកទេ គឺគិតធ្វើដោយខ្លួនឯង ដំបូងលោកបានចំណាយលុយទិញទុយោជ័រយកមកកប់ក្នុងដីតាមជ្រលងមានក្បាលសម្រាប់ស្រោចនិងថ្លៃគ្រាប់ពូជផងគិតជាលុយអស់ជាង២លានរៀល។

លោកបានបន្តថា ក្រោយពីយកគ្រាប់ពូជមកសាបដុះបានជាកូនហើយ គឺដកយកមកដាំជាជួរតាមគន្លងយើងរៀបរួចជាស្រេច ដោយថែទាំផ្កា អស់រយ:ពេល៦០ថ្ងៃទើបប្រមូលផលបានសម្រាប់ផ្កាពូជថៃ ឯផ្កាគ្រាប់ពូជខ្មែរប្រហែល១០៥ថ្ងៃទើបឲ្យផលបាន។

ពេលប្រមូលផលគឺធ្វើឡើងដោយកាត់ទងផ្កាដែលគ្រប់អាយុហើយលក់ឲ្យគេនៅទីផ្សារ១គីឡូក្រាម៥ពាន់រៀលក្នុង១ថ្ងៃអាចកាត់បាន១៥គីឡូក្រាម។ ទន្ទឹមនឹងការប្រមូលផលកាត់ផ្កាលក់ហើយ យើងក៏បានចំណូលពីការចូលទស្សនារបស់ភ្ញៀវទេសចរណ៍ខ្មែរយើងចូលថតរូបលេងក្នុងម្នាក់គេឲ្យដោយស្ម័ឡ្រចិត្ត១ពាន់ទៅ២ពាន់រៀលតាមដែលភ្ញៀវឲ្យ បើគិតជាមធ្យមមានមនុស្សមកចូលលេងប្រហែល៧០នាក់ក្នុង១ថ្ងៃដែរ។

លោកបានប្រាប់បន្ថែមទៀតថា បើគិតប្រាក់ចំណូលបានជាង២លានរៀលក្នុង១ខែ ហើយធ្វើឲ្យគាត់មានជីវភាពប្រចាំថ្ងៃធូធារសមរម្យផងដែរ។ តទៅអនាគត់គាត់មានគម្រោងកែច្នៃកន្លែងដាំផ្កាចែកជា២ ១កន្លែងសម្រាប់ដាំយកផ្កាលក់ ១កន្លែងទៀតដាំសម្រាប់ទទួលភ្ញៀវទេសចរណ៍ចូលមកទស្សនានិងថតរូបលេងទុកជាអនុស្សាវរីយ៍ផង ទីតាំងដីផ្កានេះមានអំណោយដោយនៅជាប់ជើងភ្នំសំពៅ ដែលធ្វើឲ្យភ្ញៀវទេសចរណ៍ចូលចិត្តថតរូបរួមនឹងការតុបតែង ឲ្យមានសោភ័ណភាពកាន់តែល្អជាងមុនដើម្បីទាក់ទាញភ្ញៀវទេចរណ៍មកទស្សនាកាន់តែច្រើនឡើង ហើយប្រាក់ចំណូលក៏មានការកើនឡើងផងដែរ។​ (មានវីឌីអូរ)

ប្រេងសាំង (លីត្រ) Sokimex៣.៧៥០៛
ប្រេងម៉ាស៊ូត (លីត្រ) Sokimex៣.៦៥០៛
អង្ករផ្កាម្លិៈ ផ្សារណាត់ (គីឡូក្រាម)៣.៦០០៛
អង្ករសែនក្រអូប ផ្សារណាត់ (គីឡូក្រាម)៣.៣០០៛
ពោតក្រហមគ្រាប់ ផ្សារទួលតាឯក (គីឡូក្រាម)១.៥០០៛
ពោតសគ្រាប់ ផ្សារទួលតាឯក (គីឡូក្រាម)២.៥០០៛
ម្សៅមី ផ្សារទួលតាឯក (គីឡូរក្រាម)២.៧០០៛
អត្រាប្តូរប្រាក់
រូបិយប័ណ្ណឯកតាទិញ
ដុល្លារអាមេរិចUSD/KHR
ដុល្លារអូស្រ្តាលីAUD/KHR២៨៣៨
ដុល្លារកាណាដាCAD/KHR៣០៤០
ហ្វ្រង់ស្វីសCHF/KHR៤០៨១
យ៉ន់ចិននៅហុងកុងCNH/KHR៥៨៨
យ៉ន់ចិនCNY/KHR៥៨៩
អ៊ឺរ៉ូEUR/KHR៤៥៧៣
ផោនអង់គ្លេសGBP/KHR៥១៣៤
ដុល្លារហុងកុងHKD/KHR៥២១
រ៉ូពីឥណ្ឌូនេស៊ីIDR/KHR១០០០២៨៥
ប៉ូលីស117
អគ្គីភ័យ666
សង្គ្រោះ119
H1N1 Hotline012 488 981
012 836 868

PHNOM PENH WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ម៉ោងមុន