ព្រឹកថ្ងៃសុ្រក ៩រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ២៩ ខែមីនា ឆ្នាំ២០១៩ ខេត្តបាត់ដំបង បានរៀបចំព្រឹត្តិការណ៍បាត់ដំបងម៉ារ៉ាតុន ឆ្នាំ២០១៩ នៅបរិវេណមុខអាគារបេតិកភ័ណ្ឌសាលាខេត្ត ដែលមានកិច្ចសហការរវាង សហភាពសហព័ន្ធយុវជនកម្ពុជាខេត្តបាត់ដំបង និងរដ្ឋបាលខេត្តបាត់ដំបង ដែលមានការអញ្ជើញចូលរួមពីថ្នាក់ដឹកនាំខេត្ត មាន ឯកឧត្តម ច័ន្ទ សុផល អ្នកតំណាងរាស្ត្រមណ្ឌលបាត់ដំបង ឯកឧត្ត ងួន រតនៈ អភិបាល នៃគណៈអភិបាលខេត្តបាត់ដំបង និងឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជាខេត្តបាត់ដំបង ព្រមទាំងឯកឧត្តម អភិបាលរងខេត្ត មន្ទីរ អង្គភាពជុំវិញខេត្ត មន្ត្រីរាជការ លោកគ្រូ អ្នកគ្រូ សិស្សានុសិស្ស ព្រមទាំងអង្គការសមាគន៍ជាតិ អន្តរជាតិ បានអញ្ជើញចូលរួម យ៉ាងច្រើនកុះករ ។
សូមជម្រាបថា ព្រឹត្តិការណ៍ម៉ារ៉ាតុន ឆ្នាំ២០១៩ នេះបានរៀបចំឡើងជាលើកទី៣ហើយ ដោយសហភាពសហព័ន្ធយុវជនក្ពុជាខេត្តបាត់ដំបង និងរដ្ឋបាលខេត្តបាត់ដំបង ក្នុងគោលបំណង ចូលរួមលើស្ទួយវិស័យកីឡា បំផុសឲ្យយុវជនចេះស្រលាញ់កីឡា ព្រោះកីឡានាំមកនៅសុខភាពល្អ ព្រមទាំងដើម្បីអបអរសាទរ ព្រឹត្តិការណ៍សង្រ្កាន្តបាត់ដំបង ឆ្នាំ២០១៩ ដែលនឹងរៀបចំឡើងនៅបរិវេណវិទ្យាល័យនេតយ៉ង់ ចាប់ពីថ្ងៃទី ១២ ដល់១៦ ខែមេសា ឆ្នាំ២០១៩ខាងមុខឆាប់ៗនេះ ៕
![](https://asset.cambodia.gov.kh/provincial/2019/03/55864968_1758515470917127_4958842319383035904_n.jpg)
![](https://asset.cambodia.gov.kh/provincial/2019/03/55541979_1758517114250296_8501282777633652736_n.jpg)
![](https://asset.cambodia.gov.kh/provincial/2019/03/55680265_1758515620917112_8707485720882708480_n.jpg)
![](https://asset.cambodia.gov.kh/provincial/2019/03/55505656_1758515500917124_8753821893951225856_n.jpg)
![](https://asset.cambodia.gov.kh/provincial/2019/03/55869443_1758516590917015_4418127493257494528_n.jpg)
![](https://asset.cambodia.gov.kh/provincial/2019/03/55450414_1758516007583740_1331758720132055040_n.jpg)
![](https://asset.cambodia.gov.kh/provincial/2019/03/56219981_1758516077583733_6820017292743540736_n.jpg)
![](https://asset.cambodia.gov.kh/provincial/2019/03/55832990_1758516987583642_1608320786832031744_n.jpg)
![](https://asset.cambodia.gov.kh/provincial/2019/03/53855791_1758516277583713_3733009922405695488_n.jpg)
![](https://asset.cambodia.gov.kh/provincial/2019/03/56247874_1758516504250357_7616781657986564096_n.jpg)