រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

លោក អ៊ុយ សុធាវី អញ្ជើញជាអធិបតីភាពក្នុងពិធីក្រុងពាលីបើកការដ្ឋានកែលម្អជួសជុលច្រាំងបាក់”ស្ទឹងសង្កែ”ប្រវែងជិត៥០០ម៉ែត្រក្នុងភូមិសាស្ត្រស្រុកសង្កែ និងក្រុងបាត់ដំបង ខេត្តបាត់ដំបង

ដោយ Sotheavyចំនួនទស្សនា (413)

នៅព្រឹកថ្ងៃសៅរ៍ ៩រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៦ ខែកុម្ភៈ ឆ្នាំ២០២១ លោក អ៊ុយ សុធាវី អភិបាលរង នៃគណៈអភិបាលខេត្ត តំណាង ឯកឧត្តម ងួន រតនៈ អភិបាល នៃគណៈអភិបាលខេត្ត និងលោក ផេង សិទ្ធី អភិបាលក្រុងបាត់ដំបង បានអញ្ជើញជាអធិបតីភាពពិធីក្រុងពាលីបើកការដ្ឋានកែលម្អជួសជុលច្រាំងបាក់”ស្ទឹងសង្កែ”ប្រវែងជិត៥០០ម៉ែត្រ ក្នុងភូមិសាស្ត្រស្រុកសង្កែ និងក្រុងបាត់ដំបង ខេត្តបាត់ដំបង នៅក្នុងពិធីនោះក៏មានការអញ្ជើញចូលរួមពីមន្ត្រីគម្រោងនៃរដ្ឋបាលខេត្ត និងពីអាជ្ញាធរមូលដ្ឋាននៃក្រុងបាង់ដំបងមួយចំនួនទៀត។

លោក ហាន ស៊ីហ៊ីប នាយកទីចាត់ការផែនការ និងវិនិយោគ សាលាខេត្តបាត់ដំបង បានគូសបញ្ជាក់ឲ្យដឹងថា៖ការបើកការដ្ឋានធ្វើការជួសជុលកែលម្អឲ្យប្រសើរឡើងវិញនៅចំណុចទីតាំងច្រាំងបាក់នៃស្ទឹងសង្កែរបស់ខេត្តបាត់ដំបងនេះ គឺមាន៤ទីតាំងប្រវែងជិត៥០០ម៉ែត្រ ក្នុងនោះចំនួន៣ទីតាំង ស្ថិតនៅក្នុងសង្កាត់ព្រែកព្រះស្តេច ក្រុងបាត់ដំបង និង១ទីតាំងទៀត ស្ថិតក្នុងភូមិសាស្ត្រ ឃុំអូរដំបង១ នៃស្រុកសង្កែ ខេត្តបាត់ដំបង។ដោយក្នុងនោះ៖ នៅចំណុចទី១. ស្ថិតក្នុងសង្កាត់ព្រែកព្រះស្តេចជាប់និងហាងគុយទាវដើមថ្កូវ ដែលមានប្រវែង៣៧ម៉ែត្រនិងកម្ពស់ ៨.២ម៉ែត្រ។ចំណុចទី២.ក្នុងសង្កាត់ខាងលើ មុខសាលាបឋមសិក្សាភូមិចិន មានប្រវែង៥១ម៉ែត្រ កម្ពស់១០ម៉ែត្រ។ចំណុចទី៣.ក្នុងសង្កាត់ខាងលើ ស្ថិតនៅចំណុចផ្លូវបំបែកទៅសាលា UME ដែលមានប្រវែង ២៨៦ម៉ែត្រ កម្ពស់១០ម៉ែត្រ។និងចំណុចទី៤.គឺស្ថិតនៅមុខសាលាឃុំអូរដំបង១ ដែលមានប្រវែង ៩២ម៉ែត្រ កម្ពស់១០ម៉ែត្រ។

លោក ហាន ស៊ីហ៊ីប ក៏បានគូសបញ្ជាក់ឲ្យដឹងបន្ថែមទៀតថា៖ការរៀបចំធ្វើការជួសជុលកែលម្អនូវច្រាំងស្ទឹងសង្កែឲ្យប្រសើរឡើងវិញនេះជាកញ្ចប់ថវិការបស់រដ្ឋបាលខេត្តបាត់ដំបង ក្នុងគម្រោងនៃការអភិវឌ្ឍន៍ច្រាំងស្ទឹងសង្កែ ខេត្តបាត់ដំបង៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ថ្ងៃមុន