រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ងួន រតនៈ ដឹកនាំកិច្ចប្រជុំបន្ទាន់ស្តីពីការគ្រប់គ្រង និងការកើនឡើងការផ្ទុះជំងឺកូវីដ ១៩ ចំពោះពលករទើបត្រឡប់មកពីប្រទេសថៃ នៅស្រុកជាយដែនចំនួន ៣ ដែលជាប់ព្រំប្រទល់ប្រទេសថៃ ខេត្តបាត់ដំបង

ដោយ Sotheavyចំនួនទស្សនា (320)

នៅព្រឹកថ្ងៃសុក្រ ២កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៥ ខែមករា ឆ្នាំ២០២១ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង ដឹកនាំកិច្ចប្រជុំបន្ទាន់ស្តីពីការគ្រប់គ្រងពលករវិលត្រឡប់មកពីប្រទេសថៃ នៅស្រុកកំរៀង ភ្នំព្រឹក និងស្រុកសំពៅលូន ដែលជាប់ព្រំប្រទល់ប្រទេសថៃ ខេត្តបាត់ដំបង នៅវិទ្យាល័យកំរៀង ស្រុកកំរៀង ។

កិច្ចប្រជុំនេះមានការអញ្ជើញចូលរួមពី ឯកឧត្តម ស្នងការ ស្នងការរងនគរបាលខេត្ត  លោកអភិបាល អភិបាលរង ស្រុកទាំង ៣ កម្លាំងវរៈការពារព្រំដែន កម្លាំងយោធភូមិភាគទី៥ និងកម្លាំងចម្រុះពាក់ព័ន្ធនានាជាច្រើនទៀត។

ដោយមានការលំហូរចូលពលករខ្មែរនៅតាមបន្ទាត់ព្រំដែននៅតែបន្តមានជាហូរហែរពីមួយថ្ងៃទៅមួយថ្ងៃប្រមាណជាង ៥០ ទៅ ១០០ នាក់ និងមានការកើនឡើងការផ្ទុះជំងឺកូវីដ ១៩  ។ ឯកឧត្តម ងួន រតនៈ បានដឹកនាំកិច្ចប្រជុំបន្ទាន់  ដើម្បីមានវិធានការបន្ថែមចំពោះពលករដែលវិលត្រឡប់ពីប្រទេសថៃ និងក្តាប់សភាពការណ៍ថ្មីៗ នៅតាមបន្ទាត់ព្រំដែនផងដែរ ។

លោក សុខ គឹមខុន អភិបាលនៃគណៈអភិបាលស្រុកកំរៀង បានឱ្យដឹងថា តាមរយៈទាហានទំនាក់ទំនងកម្ពុជា-ថៃ និងការផ្តល់ព័ត៌មានពីភាគីថៃ គឺថាមានករណីសង្ស័យពលករមួយចំនួន ដែលវិលត្រឡប់ពីប្រទេសថៃមានផ្ទុកជំងឺកូវិដ ១៩ ដែលត្រូវមានការប្រុងប្រយ័ត្នខ្ពស់ និងរៀបចំពួកគាត់ឱ្យរស់នៅដាច់ដោយឡែកពីពលករផ្សេងៗ ។

ឯកឧត្តម ងួន រតនៈ បានណែនាំដល់រដ្ឋបាលស្រុក ត្រូវរៀបចំបន្ទប់ទឹកបន្ថែម និងរៀបចំផ្លូវឱ្យពួកគាត់សម្រាប់ប្រើប្រាស់ ដើម្បីជៀសវៀងការប្រើប្រាស់ជាមួយពលករផ្សេងទៀត និងបន្ថែមកម្លាំងយាមការឱ្យបានច្បាស់លាស់នៅបន្ទាត់ព្រំដែន កុំមានការថ្លោះធ្លោយ និងបន្តដាក់កម្លាំងឆែករថយន្តតាក់ស៊ី នៅតាមដងបន្ថែម ជៀសវៀងកុំឱ្យពួកគាត់ធ្លាយទៅដល់មូលដ្ឋានផ្សេងៗផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ថ្ងៃមុន