រដ្ឋបាលខេត្តបាត់ដំបង
Battambang Administrationលោកស្រី សុំ ចិន្តា អញ្ជើញសំណេះសំណាល និងនាំយកអំណោយរបស់ KOICA តាមរយៈអង្គការ IOM ចែកជូនប្រជាពលករ ក្នុងគម្រោងស្តារជីវភាពពលករ និងគ្រួសារ នៅសាលាស្រុកសង្កែ ខេត្តបាត់ដំបង
នៅថ្ងៃសៅរ៍ ៥រោច ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែធ្នូ ឆ្នាំ២០២០ លោកស្រី សុំ ចិន្តា អភិបាលរង នៃគណៈអភិបាលខេត្ត តំណាង ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង អញ្ជើញសំណេះសំណាលជាមួយពលករដែលបានជ្រើសរើសជាគោលដៅអ្នកទទួលផលគម្រោងស្តារជីវភាពពលករ និងគ្រួសារ ដើម្បីទទួលបានអំណោយពី KOICA តាមរយៈអង្គការ IOM ចែកជូនដល់ពលករចំនួន ៥១ គ្រួសារ នៅសាលាស្រុកសង្កែ ខេត្តបាត់ដំបង ។
គម្រោងស្តារជីវពលករ និងគ្រួសារ ត្រូវបានអនុវត្តដោយលេខាធិការគណៈកម្មាធិការប្រយុទ្ធប្រឆាំងអំពើជួញដូរមនុស្ស ដោយគាំទ្រថវិកាពីអង្គការ IOM ដោយធ្វើការជ្រើសរើសយកឃុំគោលដៅចំនួន ២ រួមមាន ៖ ឃុំវត្តតាមិម ឃុំអន្លង់វិល និងភូមិចំនួន ១២ ភូមិ ដោយបានធ្វើការសម្ភាសន៍ជ្រើសរើសគ្រួសារដែលមានពលករក្នុងវិបត្តិកូវិដ ១៩ បានចំនួន ៥១ គ្រួសារ និងបានធ្វើការបណ្តុះបណ្តាលលើជំនាញបច្ចេកទេសចិញ្ចឹមមាន់ ដាំបន្លែ និងមុខរបរខ្នាតតូចផងដែរ ។
គូសបញ្ជាក់ផងដែរថា នៅក្នុងគម្រោងស្តារជីវភាពពលករ និងគ្រួសារ និងផ្តល់ជាពូជមាន់ គ្រាប់ពូជបន្លែ និងដើមទុនមួយចំនួនសម្រាប់បង្កើតមុខរបរខ្នាតតូច សម្រាប់ពួកគាត់នៅក្នុងបរិបទវិបត្តិកូវិដ ១៩ នេះ៕
