ឯ.ឧ វេង សាខុន រដ្ឋមន្ត្រីក្រសួងកសិកម្ម រុក្ខា ប្រម៉ាញ់និងនេសាទ និងជាអនុប្រធានក្រុមប្រឹក្សា ស្ដារនិងអភិវឌ្ឍន៍វិស័យកសិកម្មនិងជនបទ ទទួ លបន្ទុកការងារបច្ចេកទេសសន្តិសុខស្បៀង បាន ថ្លែងអំណរគុណយ៉ាងជ្រាលជ្រៅចំពោរដ្ឋាភិបាល និងប្រជាជនអាមេរិក តាមរយៈគម្រោង(USAID) ដែលបាននិងកំពុងបន្តជួយគាំទ្រ និងអភិវឌ្ឍន៍ប្រ ទេសកម្ពុជាកន្លងមក។ក្នុងនោះឯ.ឧ ក៏បានរំពឹងនិងសង្ឃឹមជឿជាក់ថា៖រដ្ឋាភិបាលអាមេរិកនឹងនៅ តែបន្តជួយឧបត្ថម្ភ គាំទ្រដល់ការអភិវឌ្ឍន៍ប្រទេសកម្ពុជាជាបន្តទៀត។

        ការថ្លែងបែបនេះ នៅក្នុងឱកាសដែលឯ.ឧរដ្ឋមន្ត្រីដឹកនាំប្រតិភូក្រសួងនិងអមដំណើរដោយឯ.ឧ
អ៊ុយសុធាវី អភិបាលរងខេត្ត និងជាតំណាង ឯ.ឧ ងួន រតនៈ អភិបាលខេត្តបាត់ដំបង​ តំណាងស្ថានទូតសហរដ្ឋអាមេរិកប្រចាំកម្ពុជា និងមន្ត្រី  ព្រមទាំងមន្ត្រីជំនាញរបស់ក្រសួងនិងមន្ទីរជាច្រើនទៀត ក្នុងការចុះពិនិត្យមើលសកម្មភាពគម្រោងនូរីស (Nouri sh) ដែលស្ថិតនៅភូមិពុកឆ្មារ ឃុំអន្លង់វិល ស្រុកសង្កែ ខេត្តបាត់ដំបង កាលពីថ្ងៃទី១៩​ ខែមីនា ២០១៩នេះ។

គម្រោងនូរីសនេះគឺផ្តោតសំខាន់ធ្វើឲ្យប្រសើរឡើងនូវស្ថានភាពអាហារូបត្ថម្ភរបស់ស្រ្តី និង កុមារតាមរយ:សកម្មភាពជាពហុវិស័យប្រកបដោយប្រ សិទ្ធភាពនៅក្នុងអំឡងពេល១.០០០ថ្ងៃដំបូង នៃជីវិត ពីស្រ្តីមានគភ៌ រហូតដល់ កុមារមានអាយុ០២ឆ្នាំ។
ហើយគម្រោងនូរីសនេះ ឯ.ឧរដ្ឋមន្ត្រីបានវាយតម្លៃខ្ពស់ចំពោះកិច្ចខិតខំប្រឹងប្រែងពីគ្រប់ភាគីពាក់ព័ន្ធដែលបានប្រឹងអស់លទ្ធភាពដើម្បីឲ្យគម្រោងនេះទទួលបានជោគជ័យ ជាពិសេសក្នុងការលើកកម្ព ស់ ដល់សុខមាលភាព និងអាហារូបត្ថម្ភ ដល់នារីដែលជាម្តាយ និងកុមារ។សូមបញ្ជាក់ថា គម្រោង
នូរីស គឺមានរយៈពេល០៦ឆ្នាំ(ពីឆ្នាំ២០១៤ រហូត ដល់ឆ្នាំ២០២០) ដោយមានទឹកប្រាក់ឧបត្ថម្ភគាំទ្រសរុបជាង ១៩លានដុល្លារអាមេរិក។

       ឯ.ឧ វេង សាខុន ក៏បានថ្លែងសង្កត់ធ្ងន់ទៀតថា៖ ក្នុងបរិបទនៃកំណើនសេដ្ឋកិច្ច និងដើម្បីធ្វើឲ្យគម្រោងនេះទទួលបានជោគជ័យបន្ថែមទៀតឯ.ឧ បានណែនាំនិងជម្រុញឲ្យម្ចាស់គម្រោងគិតគូផ្តល់ការគាំទ្រលើការងារបណ្តុះបណ្តាល។ ជាពិសេសផ្នែកជំនាញដើម្បីជួយប្រែក្លាយពួកគាត់ពីអ្នកផលិ ត ដើម្បីគ្រាន់តែផ្គត់ផ្គង់ក្នុងគ្រួសារ ឲ្យទៅជាកសិ-ពាណិជ្ជករ សម្រាប់ផលិត ដើម្បីផ្គត់ផ្គង់ទៅកាន់ទី ផ្សារ ដែលនេះជាប្រភពចំណូលដ៏រឹងមាំ ស្ថិតស្ថេរ មាននិរន្តរភាព និងធានាបាននូវសន្តិសុខស្បៀង និងអាហារូបត្ថម្ភ។ ជាមួយនេះគួរជួយពិនិត្យពិចារ ណា ទៅលើលទ្ធភាពក្នុងការបង្កើតគម្រោងចិញ្ចឹមគោទឹកដោះ និងប្រើប្រាស់បច្ចេកវិទ្យាគាំទ្របន្ថែមទៀត ដើម្បីឲ្យការងារកែច្នៃ ឬដាំដុះ មានលក្ខណៈល្អប្រសើរ ចំណេញពេល កំលាំងពលកម្ម និងធានាបានគុណភាព និងអនាម័យ៕