នៅរសៀលថ្ងៃចន្ទ ៨កើត ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៣ ខែវិច្ឆិកា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំមន្រ្ដីជំនាញរួមមាន លោកអភិបាល នៃគណៈអភិបាលក្រុងបាត់ដំបង លោកនាយកទីចាត់ការវិនិយោគ សាលាខេត្តបាត់ដំបង មន្រ្ដីជំនាញមន្ទីរសាធារណៈការ និងដឹកជញ្ជូនខេត្ត និងមន្រ្ដីពាក់ព័ន្ធនានា ដើម្បីពិនិត្យពីស្ថានភាពផ្លូវក្នុងក្រុងលេខ២ ដែលមានគម្រោងគ្រោងនឹងចាក់កៅស៊ូបេទីមីន័រ( កៅស៊ូ AC ) ដែលជាគម្រោងរបស់រដ្ឋបាលខេត្តបាត់ដំបង សម្រាប់លើកកម្ពស់សោភ័ណភាពបរិស្ថានក្នុងក្រុង ឲ្យកាន់តែមានភាពស្រស់ស្អាត ៕