នៅព្រឹកថ្ងៃ អង្គារ ៣រោច ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៣ ខែវិច្ឆិកា ឆ្នាំ២០២០ ឯកឧត្តម យូ ស៊ុនឡុង រដ្ឋមន្រ្ដីប្រតិភូអមនាយករដ្ឋមន្រ្ដី និងជាប្រធានក្រុមការងារសន្ដិសុខសម្ដេចតេជោ បានអញ្ជើញដឹកនាំកិច្ចប្រជុំពិភាក្សាត្រៀមរៀបចំពិធី សំណេះសំណាលសួរសុខទុក្ខ ចែកអំណោយ និងចែកគ្រាប់ពូជស្រូវជូនប្រជាពលរដ្ឋដែលរងគ្រោះដោយទឹកជំនន់ ក្នុងភូមិសាស្រ្តខេត្តបាត់ដំបង ដើម្បីធ្វើការពិភាក្សាការងារ អំពីការរៀបចំសណ្ដាប់ធ្នាប់ សុវត្ថិភាព និងរៀបចំទីកន្លែង ដើម្បីឲ្យកម្មវិធីប្រព្រឹត្តទៅដោយរលូន ដែលមានការអញ្ជើញចូលរួមដោយ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង លោក អភិបាលរង នៃគណៈអភិបាលខេត្ត លោក លោកស្រី នាយក និងនាយករងរដ្ឋបាលសាលាខេត្ត លោកអភិបាលក្រុង ស្រុកចំនួន៨ក្នុងខេត្ត ព្រមទាំងអ្នកពាក់ព័ន្ធជាច្រើនអ្នកទៀត នៅសាលប្រជុំB2 អគារ B សាលាខេត្តបាត់ដំបង ៕