រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ងួន រតនៈ ប្រធានគណៈបញ្ជាការឯកភាពរដ្ឋបាលខេត្ត បានប្រើប្រាស់នូវកម្លាំងសរុប ដើម្បីជួយជន្លាសបងប្អូនប្រជាពលរដ្ឋទៅរកទីទួលមានសុវត្ថិភាពប្រកបដោយសុវត្ថិភាព នៅស្រុករុក្ខគិរី ខេត្តបាត់ដំបង

ដោយ Sotheavyចំនួនទស្សនា (818)

នៅថ្ងៃសុក្រ ៦រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៩ ខែតុលា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងជាប្រធានគណបញ្ជាការឯកភាពរដ្ឋបាលខេត្ត បានដឹកនាំកម្លាំងសរុប ដើម្បីជួយសង្គ្រោះ និងជន្លាសបងប្អូនប្រជាពលរដ្ឋទៅរកទីទួលសុវត្ថិភាព ដែលមានការចូលរួមពីកម្លាំងស្នងការដ្ឋាននគរបាលខេត្ត កម្លាំងកងរាជអាវុធហត្ថខេត្ត កម្លាំងប្រតិបត្តិការសឹងរងបាត់ដំបង កម្លាំងមន្ត្រីស្មគ្រចិត្តលេខាធិការដ្ឋានខេត្ត កម្លាំងចំរុះគណបញ្ជាការឯកភាពរដ្ឋបាលស្រុក និងមានការចូលរួមដោយផ្ទាល់ពី ឯកឧត្តម ម៉ៅ ច័ន្ទតារា ប្រធានក្រុមការងាររាជរដ្ឋាភិបាលចុះមូលដ្ឋានស្រុករុក្ខគិរី និងឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក លោកអភិបាលរងខេត្ត និងលោកប្រធានមន្ទីរសំខាន់ៗផងដែរ។

បើតាមលោក ជា សម្បត្តិ អភិបាលស្រុករុក្ខគិរី បានឲ្យដឹងថា បញ្ហាទឹកជំនន់យ៉ាងគំហុកនេះ ជាលទ្ធផលបឋមបានធ្វើឲ្យប៉ះពាល់ផ្ទះពលរដ្ឋក្នុងឃុំចំនួន២ គឺឃុំបាសាក់ និងឃុំព្រែកជីក សរុបចំនួន១៧ភូមិ ដែលស្មើនឹង ១៨៣០គ្រួសារ រួមទាំងប៉ះពាល់ដំណាំស្រូវជាង ២ពាន់ហិកតា ដំណាំម្នាស់ជាង ៤០០ហិកតា និងដំឡូមីជាង ១០០ហិកតា ។

លោកបានបន្តថា ទឹកជំនន់នេះ បានស្រកបណ្ដើរហើយនៅបែកខាងលើ គឺនៅឃុំបាសាក់ និងផ្នែកមួយចំនួននៃឃុំព្រែកជីក ប៉ុន្តែនៅតំបន់ខ្លះនៅមានជំនន់ខ្លាំងនៅឡើយ ដោយមានការដឹកនាំផ្ទាល់ពីឯកឧត្តម ងួន រតនៈ អភិបាលខេត្តបាត់ដំបង កំពុងធ្វើកិច្ចអន្តរាគមន៍ជួយសង្គ្រោះពលរដ្ឋ ដែលត្រូវទឹកជំនន់លិចលង់ផ្ទះ រហូតមកដល់ពេលនេះ មិនទាន់ឈប់នៅឡើយទេ ។

ចំពោះស្ថានភាពទឹកជំនន់នៅស្រុករុក្ខគិរីនេះ ទោះបានស្រកបណ្ដើរមែន ប៉ុន្តែទឹកនឹងហូរទៅតាមស្ទឹងមោង ហើយធ្វើឲ្យប៉ពាល់ផ្ទះ ដំណាំស្រូវ និងដំណាំផ្សេងៗរបស់ប្រជាពលរដ្ឋក្នុងឃុំមួយចំនួន នៃស្រុកមោងឫស្សី ដោយស្ថានភាពទឹកនឹងមានការជន់ខ្លាំងចាប់ពីយប់នេះ ឬស្អែក ។

គួរបញ្ជាក់ថា នៅថ្ងៃទី៩ ខែតុលានេះ ជំនន់ទឹកភ្លៀងមិនមែនហក់ឡើងនៅតែស្រុករុក្ខគិរីនោះទេនៅមានស្រុកមួយចំនួនទៀត ដូចជាស្រុកសំឡូត ស្រុកសំពៅលូន ស្រុកភ្នំព្រឹក និងស្រុកបវេល ហើយស្ថានភាពទឹកជំនន់នៅស្រុកប៉ុន្មាននេះ មិនទាន់មានការបញ្ជាក់ពីអាជ្ញាធរខេត្តអំពីផលប៉ះពាល់អ្វីខ្លះនោះទេ ប៉ុន្តែនៅថ្ងៃដដែលនេះ រដ្ឋបាលខេត្តបាត់ដំបង បានជូនដំណឹងថា ដោយប៉ែកខាងលើស្ទឹងសង្កែ មានទឹកឡើងកម្ពស់ខ្លាំង ហើយស្ទឹងមួយនេះ អាចនឹងមានទឹកជន់នៅយប់នេះ ឬនៅថ្ងៃទី១០ ខែតុលា ។

សូមជម្រាបជូនដែរថា ជំនន់ទឹកភ្លៀងនេះ គឺបង្កឡើងដោយសារទំនប់អាងទឹកបាសាក់ ស្ថិតក្នុងឃុំបាសាក់ ស្រុករុក្ខគិរី បានបាក់ហើយទឹកក៏ហូរខ្លាំងធ្លាក់មកប៉ែកខាងក្រោម ហើយការបាក់ទំនប់នេះ ព្រោះតែប៉ុន្មានថ្ងៃនេះនៅបែកខាងលើទំបន់ភ្លៀងធ្លាក់ខ្លាំង ធ្វើឲ្យកម្ពស់ទឹកហក់ឡើងខ្ពស់ រហូតដល់ទ្វារអាងគ្រលាស់ (បើកខ្លួនឯង) ប៉ុន្តែទឹកបុកខ្លាំងពេក ក៏ធ្វើឲ្យបាក់ទំនប់តែម្ដង៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ថ្ងៃមុន