រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

លោក ណុប ដារ៉ា អភិបាលរង នៃគណៈអភិបាលខេត្ត អញ្ជើញជាអធិបតីភាពក្នុងកិច្ចប្រជុំផ្សព្វផ្សាយរបាយការណ៍ ស្តីពីលទ្ធផលការងារត្រួតពិនិត្យគ្រឿងញៀន ឆមាសទី១ និងលើកទិសដៅការងារបន្តឆមាសទី២ ឆ្នាំ២០២០ របស់អាជ្ញាធរជាតិប្រយុទ្ធប្រឆាំងគ្រឿងញៀន

ដោយ Sotheavyចំនួនទស្សនា (229)

បាត់ដំបង រសៀលថ្ងៃព្រហស្បតិ៍ ៨រោច ខែភទ្របទ ឆ្នាំជូត ទោស័ក ព.ស. ២៥៦៤ បាត់ដំបង ថ្ងៃទី១០ ខែកញ្ញា ឆ្នាំ២០២០ លោក ណុប ដារ៉ា អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តមអភិបាលខេត្តបាត់ដំបង និងឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង នៃអគ្គលេខាធិការដ្ឋានអាជ្ញាធរ ជាតិប្រយុទ្ធប្រឆាំងគ្រឿងញៀន អញ្ជើញជាអធិបតីភាពក្នុងកិច្ចប្រជុំផ្សព្វផ្សាយរបាយការណ៍ ស្តីពីលទ្ធផលការងារត្រួតពិនិត្យគ្រឿងញៀន ឆមាសទី១ និងលើកទិសដៅការងារបន្តឆមាសទី២ ឆ្នាំ២០២០ របស់អាជ្ញាធរជាតិប្រយុទ្ធប្រឆាំងគ្រឿងញៀន ដែលមានការចូលរួមការចូលរួមពីឯកឧត្តម លោកជំទាវ លោក លោកស្រី មន្ត្រីរាជកាជុំវិញខេត្តជាច្រើនរូបទៀតរូបទៀតទៀត ។

លោក ណុប ដារ៉ា កិច្ចប្រជុំនេះ មានសារៈសំខាន់ណាស់ ដែលបានបង្ហាញជាសត្យានុម័តអំពីការរួបរួមគ្នាក្នុងការប្រយុទ្ធប្រឆាំងគ្រឿងញៀនដែលមានតម្លៃជាសាកល គឺជាការរួមចំណែក យ៉ាងពេញទំហឹងក្នុងការធ្វើឱ្យប្រសើឡើងនូវការអនុវត្តគោលនយោបាយភូមិ-ឃុំមានសុវត្ថិភាព និងកម្មវិធីនយោបាយ យុទ្ធសាស្ត្រចតុកោណ ដំណាក់កាល ទី៦ និងកំណែទម្រង់គ្រប់ជ្រុងជ្រោយរបស់រាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងដោយឡែកសម្រាប់ខេត្តបាត់ដំបង ក្រោមការគិតគូរយកចិត្តទុកដាក់តម្រង់ទិស អនុវត្តការងារដោយផ្ទាល់ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន ក្រុមការងារថ្នាក់ជាតិចុះជួយខេត្តបាត់ដំបង ហើយក៏មានការចង្អុលបង្ហាញពី ឯកឧត្តម កែ គឹមយ៉ាន ឧបនាយករដ្ឋ មន្ត្រីប្រធានអាជ្ញាធរជាតិប្រយុទ្ធប្រឆាំងគ្រឿងញៀនផងដែរ ។

ក្នុង​កិច្ចប្រជុំ​នោះដែរ ឯកឧត្តម ឧត្តមសេនីយ៍ឯក នាក់ យុទ្ធា បាន​ថ្លែងថា ករណី​គ្រឿង​ញៀន គឺជា​រឿង​ឧក្រិដ្ឋកម្ម មាន​ច​រិ​ក​ខុសពី​បទល្មើស​ផ្សេងៗ និង​មិនអាច​លើកលែង​បាន ការប្រយុទ្ធប្រឆាំង ជាមួយនឹង​គ្រឿងញៀន របស់​រាជរដ្ឋាភិបាល មាន​រយៈពេល ៥ ឆ្នាំ​មកហើយ កម្លាំង​មាន​សមត្ថកិច្ច​គ្រប់​ប្រភេទ គ្រប់ផ្នែក និង​គ្រប់​លំដាប់ថ្នាក់ ត្រូវ​ប្រើ​ប្រាស់​កម្លាំង​សរុប មធ្យោបាយ​សរុប និង​វិធាន​ការសរុប ខិតខំ​សហការ​ប្រមែប្រមូល​ព័ត៌​មាន ភស្តុតាង កំណត់ និង​ក្ដាប់​ឲ្យ​បាន​នូវ មុខសញ្ញា​ពាក់ព័ន្ធ ដើម្បី​ទប់ស្កាត់​ឲ្យ​បាន នូវ​ការ​លួចលាក់ នាំចូល​គ្រឿង ញៀន​ពី​ខាងក្រៅ ទាំង​ការយកមក​ចែកចាយ ជួញដូរ​ក្នុង​ខេត្ត និង​ការប៉ុនប៉ង នាំចេញ​ឆ្លងដែន ទៅ​ប្រទេស​ទី​បី និង​ស្រាវជ្រាវ​បង្ក្រាប ឲ្យ​ដល់​ឫសគល់ កាត់ផ្តាច់​ខ្សែរយៈ​បណ្ដាញ និង​តាម​ចាប់​មេក្លោង មក​ផ្ដន្ទាទោស​តាមច្បាប់​។

ឧត្តមសេនីយ៍ឯក នាក់ យុទ្ធា បានបញ្ជាក់​ថា កិច្ចប្រជុំ​ថ្ងៃនេះ ផ្ដោតទៅលើ​គោលការណ៍ ទាំង ៩ ចំណុច ដែល​ពាក់ព័ន្ធ​ការងារ ត្រួតពិនិត្យ​គ្រឿង​ញៀន ជាពិសេស​សម្រាប់​ទិសដៅ​ការងារ ឆមាស​ទី​២ ឆ្នាំ២០២០ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 5 ម៉ោងមុន