រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តបាត់ដំបងបន្ត ចុះពិនិត្យមើលការងារជួស ជុល និងកាត់តូប ផ្សារធំបាត់ដំបង (ផ្សារណាត់) ដែលត្រូវភ្លើងឆេះ កាលពីថ្ងៃទី៣០ ខែសីហា ឆ្នាំ២០២០

ដោយ Sotheavyចំនួនទស្សនា (545)

នៅថ្ងៃព្រហស្បតិ៍ ១ រោច ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៣ ខែកញ្ញា ឆ្នាំ២០២០ រដ្ឋបាលខេត្តបាត់ដំបង ដឹកនាំដោយលោក សឿម ប៊ុនរិទ្ធិ អភិបាលរង នៃគណៈអភិបាលខេត្ត និងប្រធានក្រុមការងារ និងលោក ណុប ដារ៉ា អភិបាលរង នៃគណៈ អភិបាលខេត្ត និងជាអនុប្រធានក្រុមការងារ តំណាង ឯ,ឧ ងួន រតនៈ អភិបាល នៃគណៈអភិបាលខេត្តបាត់ដំបង និងសហការី បាន អញ្ជើញចុះពិនិត្យមើលការងារជួសជុល និងកាត់តូបនៅផ្សារណាត់បាត់ដំបង ដែលត្រូវបានភ្លើងឆេះ កាលពីថ្ងៃទី ៣០ ខែសីហា ឆ្នាំ២០២០ ។

ក្រោយពីមានអគ្គិភ័យឆាបឆេះ បណ្ដាលឱ្យតូបចំនួន ៣២តូប ក្នុងចំណោម ៥៥១តូប ខូចខាតទាំង ស្រុងនោះ ថ្នាក់ដឹកនាំ និងមន្ត្រីពាក់ព័ន្ធនៃខេត្តបាត់ដំបងទាំងអស់ បានខិតខំរៀបចំកន្លែងលក់ដូ ក៏ដូចជាសណ្តាប់ធ្នាប់ ការធ្វើអនាម័យ និងលាងសម្អាត ជួសជុលឡើងវិញ ដើម្បីជាដំណោះស្រាយ ជូនអុំ ពូមីង បងប្អូន ដែលជាអាជីវកររងគ្រោះ ឆាប់បានប្រកបរបររបស់ខ្លួនឡើងវិញ ។

ក្នុងឱកាសចុះពិនិត្យមើលការងារកាត់តូបនៅផ្សារណាត់បាត់ដំបង ក្រោយពីបានបើកឱ្យដំណើរការវិញ ហើយនោះ លោក សឿម ប៊ុនរិទ្ធ និងលោក ណុប ដារ៉ា បានជួបសំណេះសំណាល ជាមួយអាជីវករផងដែរ ។

សូមបញ្ជាក់ថា ផ្សារណាត់ ឬផ្សារធំថ្មី នៃខេត្តបាត់ដំបងនេះ ត្រូវបានសាងសង់ឡើងក្នុងឆ្នាំ១៩៣៦ ក្នុងរជ្ជកាលហ្លួងស៊ីសុវត្ថិមុនីវង្ស។ ក្រៅតែពីជាតំបន់ពាណិជ្ជកម្មមួយដ៏សំខាន់ផ្សារណាត់ ក៏ត្រូវបានគេ ចាត់ទុកថា ជាសំណង់បេតិកភណ្ឌ ដ៏មានតម្លៃមួយនៃខេត្តបាត់ដំបងផងដែរ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 15 ម៉ោងមុន