រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អគារសិក្សាចំនួន ២ ខ្នង និងស្ពាន ១ខ្សែ ប្រវែង ១២៦ ម៉ែត្រ នៅស្រុកបាណន់ ខេត្តបាត់ដំបង ត្រូវបានដាក់សម្ពោធឱ្យប្រើប្រាស់ជាផ្លូវការក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ

ដោយ Sotheavyចំនួនទស្សនា (902)

នៅព្រឹកថ្ងៃពុធ ១កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៩ ខែសីហា ឆ្នាំ២០២០ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធសាលារៀនអនុវិទ្យាល័យកន្ទឺ១ សាលាបឋមសិក្សាស្វាយព្រៃ និងស្ពានបេឡ ស្ថិតក្នុងឃុំកន្ទឺ១ ស្រុកបាណន់ ខេត្តបាត់ដំបង ។

នៅក្នុងពិធីនេះក៏មានការអញ្ជើញចូលរួម ឯកឧត្តម តំណាងរាស្ត្រមណ្ឌលបាត់ដំបង ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិកា ឯកឧត្តម ប្រធានក្រុមប្រឹក្សាខេត្ត ឯកឧត្តមអភិបាល នៃគណៈអភិបាលខេត្ត ឯកឧត្តម លោជំទាវ គណៈប្រតិភូអមដំណើរ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត អាជ្ញាធរមូលដ្ឋាន លោកយាយ លោកតា និងបងប្អូនប្រជាពលរដ្ឋប្រមាណជាង ៦០០ នាក់។

សម្ដេចក្រឡាហោម ស ខេង បានណែនាំដល់អាជ្ញាធរមូលដ្ឋាន មុនធ្វើអ្វីមួយត្រូវគិតគូរផលប្រយោជនប្រជាជនជាធំ ត្រូវដោះស្រាយ រាល់គ្រប់បញ្ហាជូនប្រជាពលរដ្ឋ ប្រកបដោយភាពយុត្តិធម៌ ដើម្បីភាពសុខសប្បាយក្នុងសង្គម មិនត្រូវគិតតែ ផលប្រយោជន៍គ្រួសារ បក្ខពួករបស់ខ្លួន ជាធំនោះទេ។

ជាមួយគ្នានោះសម្ដេច ស ខេង ក៏បានអំពាវនាវដល់ប្រជាពលរដ្ឋទាំងអស់ នៅទូទាំងប្រទេស ត្រូវរួមគ្នាថែរក្សាសុខសន្តិភាព និងការអភិវឌ្ឍន៍ ដែលកម្ពុជា យើងកំពុងមានសព្វថ្ងៃនេះ។

គូសបញ្ជាក់បើទោះបីស្ថិតក្នុងកាលៈទេសៈដ៏លំបាក ដែលប្រទេសយើងកំពុងជាប់ដៃប្រយុទ្ធប្រឆាំងនឹងជំងឺកូវីដ ១៩ ក្តី ក៏រាជរដ្ឋាភិបាលនៅតែមិនបានព្រងើយកន្តើយចំពោះការកសាង នោងស្តារហេដ្ឋារចនាសម្ព័ន្ធវ័ន្ត ដែលជាផ្នែកមួយក្នុងកែលម្អនូវការផ្តល់សេវាសាធារណៈជូនប្រជាពលរដ្ឋផងដែរ។

សូមជម្រាបជូនដែរថា ពិធីសម្ពោធដាក់ឲ្យ ប្រើប្រាស់ស្ពានបេឡេ ១ខ្សែ ប្រវែង១២៦ម៉ែត្រ និងអគារសិក្សា ចំនួន ២ខ្នង ស្មើនឹង ១០ បន្ទប់ នៅសាលាបឋមសិក្សាស្វាយព្រៃ ១ ខ្នង ៥បន្ទប់ និងអនុវិទ្យាល័យកន្ទឺ១ ចំនួន ១ខ្នង ៥ បន្ទប់ផងដែរ។

បងប្អូនប្រជាពលរដ្ឋបានថ្លែងអំណារគុណយ៉ាងជ្រាលជ្រៅចំពោះសមិទ្ធផលថ្មីមួយនេះ ដែលរាជរដ្ឋាភិបាលកម្ពុជា មានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង ដែលបានធ្វើដោះស្រាយការធ្វើដំណើរឆ្លងកាត់ និងដឹកកសិផលរបស់បងប្អូនប្រជាពលរដ្ឋពីត្រើយម្ខាងមកត្រើយម្ខាងទៀតផងដែរ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 23 នាទីមុន