រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ


បាត់ដំបង ពិធីប្រកាសផ្ទេរភារកិច្ច តែងតាំងមុខតំណែងនិងបំពាក់ឋានន្តរស័ក្តិ ជូនដល់មន្ត្រីនគរបាលជាតិ នៅស្នងការដ្ឋាន នគរបាលខេត្តបាត់ដំបង

ដោយ Saraknornចំនួនទស្សនា (28)

ខេត្តបាត់ដំបង៖ព្រឹកថ្ងៃចន្ទ ១៣រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវថ្ងៃទី០៤ ខែមីនា ឆ្នាំ ២០១៩ នៅស្នងការដ្ឋាននគរបាលខេត្តបាត់ដំបង មានរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋាន្តរស័ក្តិ ជូនដល់មន្រ្តីនគរបាលជាតិ ក្រោមអធិបតីភាព ឯកឧត្តម ឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សន្តិបណ្ឌិត នេត​ សាវឿន អគ្គស្នងការនគរបាលជាតិ និង ឯកឧត្តម ប៊ុត គឹមស៊ាន អភិបាលរងនៃគណៈអភិបាលខេត្តបាត់ដំបង។

អញ្ជើញចូលរួមក្នុងពិធីនេះមានឯកឧត្តម​ លោកជំទាវ លោក លោកស្រី ជាប្រតិភូអមដំណើរ លោកប្រធានសាលាដំបូងខេត្តបាត់ដំបង លោកព្រះរាជអាជ្ញាអមសាលាដំបូងខេត្តបាត់ដំបង លោក-លោកស្រី ស្នងការ-ស្នងការរង នៃស្នងការដ្ឋាននគរបាលខេត្តបាត់ដំបង លោក មេបញ្ជាការរងតំបន់ប្រតិបត្តការសឹករងខេត្តបាត់ដំបង លោក មេបញ្ជាការរងមូលដ្ឋានកងរាជអាវុធហត្ថខេត្តបាត់ដំបង លោក អនុប្រធានពន្ធនាគារខេត្តបាត់ដំបង លោក-លោកស្រី អភិបាលក្រុង-ស្រុកពាក់ព័ន្ធក្នុងខេត្ត លោក-លោកស្រី ប្រធាន-អនុប្រធានផែន នាយ-នាយរង ការិយាល័យជំនាញ មេបញ្ជាការ មេបញ្ជាការរង វរសេនាតូចនគរបាលការពារព្រំដែនគោក អធិការ-អធិការរងនគរបាលក្រុង-ស្រុក និងមន្ត្រីចំណុះស្នងការដ្ឋាននគរបាលខេត្តបាត់ដំបង សរុបចំនួន ២៤០នាក់ ស្រី០៨ នាក់ ។

ជាកិច្ចចាប់ផ្តើមលោក ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង បានអានរបាយការណ៍ស្វាគមន៍ក្នុងអង្គពិធីនិងលោកវរសេនីយ៍ឯក សេង ភឿន នាយរងការិយាល័យបុគ្គលិករាជធានី ខេត្ត នៃនាយកដ្ឋានបុគ្គលិក អគ្គស្នងការដ្ឋាននគរបាលជាតិ បានអានប្រកាសរបស់ ក្រសួងមហាផ្ទៃ និងសេចក្តីសម្រេចរបស់អគ្គស្នងការនគរបាលជាតិ ស្តីពីការប្រកាសផ្ទេរភារកិច្ច តែងតាំង មុខតំណែង តម្លើងឋានន្តរស័ក្តិជូនមន្ត្រីនគរបាលជាតិ មានដូចខាងក្រោមៈ

ផ្ទេរកិច្ចនិងតែងតាំងមុខតំណែងចំនួន ៥១នាក់ ស្រី០៣ នាក់ (ក្នុងនោះបំពាក់ឋានន្តរស័ក្តិ ១១នាក់)

-ថ្នាក់ស្នងការរង ចំនួន ១២ នាក់ 
-​ថ្នាក់នាយការិយាល័យ ចំនួន ០៧ នាក់
-ថ្នាក់នាយរងការិយាល័យ ចំនួន ០៧ នាក់
-ថ្នាក់អធិការ ចំនួន ០៣ នាក់
-ថ្នាក់អធិការរង ចំនួន ០៦ នាក់
-ថ្នាក់មេបញ្ជាការរងវរៈ ចំនួន ០២ នាក់

បំពាក់ឋានន្តរស័ក្តិ ចំនួន ២៩ នាក់ ក្នុងនោះស្រី ០១ នាក់

-ថ្នាក់វរសេនីយ៍ទោ ចំនួន ១៣ នាក់ ក្នុងនោះស្រី ០១ នាក់
-ថ្នាក់វរសេនីយ៍ត្រី ចំនួន ១៣ នាក់ 
-ថ្នាក់អនុសេនីយ៍ឯក ចំនួន ០២ នាក់
-ថ្នាក់អនុសេនីយ៍ទោ ចំនួន ០១ នាក់

ជាចុងបញ្ចប់ឯកឧត្តម ឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍​ សន្តិបណ្ឌិត នេត​សាវឿន​ អគ្គស្នងការដ្ឋាននគរបាលជាតិ បានធ្វើការផ្តាំផ្ញើដល់មន្រ្តីនគរបាលជាតិដែលទើបទទួលបានការផ្ទេរភារកិច្ច តែងតាំងមុខតំណែង​ និងបំពាក់ឋានន្តរស័ក្តិ ត្រូវខិតខំយកចិត្តទុក្ខដាក់បំពេញការងារជូនប្រជាពលរដ្ឋ​ បំរើរដ្ឋាភិបាល​ និងគោរពវិន័យផ្ទៃក្នុងរបស់កងកម្លាំងនគរបាលជាតិឲ្យបានល្អប្រសើរ៕

ប្រេងសាំង (លីត្រ)៣.៦៥០៛
ប្រេងម៉ាស៊ូ (លីត្រ)៣.៥៥០៛
អង្ករផ្កាម្លិះ (គីឡូក្រាម)៣.០០០៛
អង្ករសែនក្រអូប (គីឡូក្រាម)២.៨០០៛
ស្រូវសែនក្រអូប (គីឡូក្រាម)១.១៧៨៛
ពោតក្រហមគ្រាប់ (គីឡូក្រាម)១.៣០០៛
ពោតសគ្រាប់ (គីឡូក្រាម)២.៤០០៛
ម្សៅមី (គីឡូក្រាម)២.៧០០៛
ដំឡូងមីស្ងួត (គីឡូក្រាម)៦៨៤៛
ដំឡូងមីសើម (គីឡូក្រាម)៣០៤៛
អត្រាប្តូរប្រាក់
រូបិយប័ណ្ណឯកតាទិញ
ដុល្លារអាមេរិចUSD/KHR
ដុល្លារអូស្រ្តាលីAUD/KHR២៨៣០
ដុល្លារកាណាដាCAD/KHR២៩៧៨
ហ្វ្រង់ស្វីសCHF/KHR៤០២៤
យ៉ន់ចិននៅហុងកុងCNH/KHR៥៩៥
យ៉ន់ចិនCNY/KHR៥៩៦
អ៊ឺរ៉ូEUR/KHR៤៥១៨
ផោនអង់គ្លេសGBP/KHR៥២៧៦
ដុល្លារហុងកុងHKD/KHR៥១០
រ៉ូពីឥណ្ឌូនេស៊ីIDR/KHR១០០០២៨២
ប៉ូលីស117
អគ្គីភ័យ666
សង្គ្រោះ119
H1N1 Hotline012 488 981
012 836 868

PHNOM PENH WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2019

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ថ្ងៃមុន