នៅព្រឹកថ្ងៃចន្ទ ១៣ រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៤ ខែមីនា ឆ្នាំ២០១៩ ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តបាត់ដំបង បានអញ្ជើញចូលរួមក្នុងយុទ្ធនាការរឹតបន្តឹងការពាក់មួកសុវត្ថិភាពដើម្បីពញ្ញាក់ស្មារតីដល់អ្នកប្រើប្រាស់ផ្លូវ ឱ្យមានការប្រុងប្រយ័ត្ននៅស្រុកភ្នំព្រឹក ខេត្តបាត់ដំបង ដោយមានការចូលរួមពី លោកអភិបាលស្រុកភ្នំព្រឹក កម្លាំងសមត្ថកិច្ចនគរបាលស្រុក កងរាជអាវុធហត្ថស្រុក លោកមេឃុំ និងមន្រ្តីលេខាធិការដ្ឋាននៃអនុគណៈកម្មាធិការជាតិសុវត្ថិភាពចរាចរណ៍ផ្លូវគោក នៅចំនុចរង្វង់មូលស្រុកភ្នំព្រឹក
ដោយក្នុងយុទ្ធនាការនេះ មានការចែកជូននូវឯកសារពាក់ព័ន្ធនឹងច្បាប់ស្តីពីសុវត្ថិភាពចរាចរណ៍ផ្លូវគោក និងការរៀបចំជាកម្មវិធីសួរឆ្លើយសំណួរស្តីពីច្បាប់ និងសុវត្ថិភាពចរាចរណ៍ផ្លូវគោកដែលជាលទ្ធផលនៅក្នុងយុទ្ធនាការនេះបានចែក៖
- មួកសុវត្ថិភាពចំនួន ៥០ មួក
- សៀវភៅផ្សព្វផ្សាយសញ្ញាចរាចរណ៍សំខាន់ចំនួន ១០ ក្បាល
- ស្ទិកឃ័រការពារជីវិតអ្នកកុំបើកបរហួុសល្បឿនកំណត់ចំនួន ១០០ សន្លឹក
- ប្រការសំខាន់ៗដែលអ្នកបើកបរត្រូវចងចាំចំពោះអ្នកប្រប្រាស់ផ្លូវចំនួន ២០០ សន្លឹក
- ផ្ទាំងផ្លាកសញ្ញាសម្រាប់អ្នកថ្មើជើងចំនួន ១០ សន្លឹក
- ស្លាកសញ្ញាសចរាចរណ៍ចំនួន ១០ សន្លឹក
-បទប្បញ្ញត្តិសំខាន់ៗនៃច្បាប់ស្ដីពីចរាចរណ៍ផ្លូវគោកចំនួន ២០០ សន្លឹក
-ស្ទិកឃ័របើកបរដោយសុវត្ថិភាពពាក់មួកចំនួន ២០០ សន្លឹក
-សៀវភៅ អ្វីៗដែលអ្នកបើកបរទោចក្រយានយន្តត្រូវយល់ដឹងចំនួន ១០០ ក្បាល
- ស្ទិកឃ័រការពារជីវិតអ្នកពាក់មួុកសុវត្ថិភាពឱ្យបានត្រឹមត្រូវចំនួន ២០០ សន្លឹក
- សៀវភៅច្បាប់ចរាចរណ៍ផ្លូវគោកចំនួន ៥០ ក្បាល៕
![](https://asset.cambodia.gov.kh/provincial/2019/03/53402026_1725898464178828_2345079064471011328_n.jpg)
![](https://asset.cambodia.gov.kh/provincial/2019/03/53050790_1725898544178820_5075790108439871488_n.jpg)
![](https://asset.cambodia.gov.kh/provincial/2019/03/53369443_1725898694178805_2466739837105864704_n.jpg)
![](https://asset.cambodia.gov.kh/provincial/2019/03/53362502_1725898354178839_1876087271610908672_n.jpg)
![](https://asset.cambodia.gov.kh/provincial/2019/03/53052501_1725898884178786_7284023023709978624_n.jpg)
![](https://asset.cambodia.gov.kh/provincial/2019/03/53607210_1725898867512121_8117900235717476352_n.jpg)
![](https://asset.cambodia.gov.kh/provincial/2019/03/52598552_1725898784178796_885885632419725312_n.jpg)
![](https://asset.cambodia.gov.kh/provincial/2019/03/53794408_1725898597512148_5117488184980144128_n.jpg)