រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អាជ្ញាធរខេត្តបាត់ដំបងចុះហាមឃាត់ការសាងសង់សំណង់លើដីសាធារណៈរបស់រដ្ឋ (ដីចំណីអាំងកំពីងពួយ) ដែលស្ថិតស្រុកបាណន់ ខេត្តបាត់ដំបង

ដោយ Sotheavyចំនួនទស្សនា (1.1K)

នៅព្រឹកថ្ងៃអាទិត្យ ១០កើត ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣១ ខែឧសភា ឆ្នាំ២០២០ ដោយមានការណែនាំបញ្ជាផ្ទាល់ពីឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានចាត់ លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត សហការណ៍ជាមន្ទីរជំនាញ និងអាជ្ញាធរស្រុក ឃុំ ចុះហាមឃាត់បងប្អូនប្រជាពលរដ្ឋចំនួន ២ គ្រួសារ ដែលកំពុងសាងសង់ និងចាក់ដីរៀបចំសាងសង់ផ្ទះដីសាធារណៈរបស់(ដីចំណីអាំងកំពីងពួយង) ដែលស្ថិតនៅក្នុងភូមិតាង៉ែត ឃុំតាគ្រាម ស្រុកបាណន់ ខេត្តបាត់ដំបង។

នៅក្នុងកិច្ចប្រតិបត្តិការចុះហាមឃាត់នោះក៏មានការអញ្ជើញចូលរួមពីប្រធានមន្ទីរធនធានទឹក និងឧតុនិយមខេត្ត លោកអភិបាលស្រុក មេឃុំ សហគមន៍ កងកម្លាំង និងអ្នកពាក់ព័ន្ធជាច្រើនរូបទៀត។

លោក សឿម ប៊ុនរិទ្ធិ បានធ្វើការពន្យល់ដល់បងប្អូនប្រជាពលរដ្ឋឱ្យយល់ដឹងអំពីផ្លូវច្បាប់ ផលប៉ះពាល់ជាសាធារណៈ និងធ្វើឱ្យបាត់បង់ប្រយោជន៍ជារួមក្នុងសហគមន៍ និងបងប្អូនប្រជាពលរដ្ឋដែលរស់នៅប៉ែនខាងក្រោមផងដែរ។

គូសបញ្ជាក់ផងដែរថា មុននឹងអាជ្ញាធរខេត្តចុះធ្វើការហាមឃាត់ មន្ទីរជំនាញ និងអាជ្ញាធរឃុំ បានធ្វើការហាមម្តងរួចមកហើយ ប៉ុន្តែគាត់នៅតែឆ្លៀតសាងសង់បន្តទៀត បន្ទាប់មកទើបមានអាជ្ញាធរខេត្ត ចុះមកធ្វើពន្យល់ណែនាំអប់រំម្ចាស់សំណង់ រួចក៏មានការឯកភាពគ្នា និងបានកំណត់កំរិតនៃការសាងសង់ និងធ្វើកិច្ចសន្យាបញ្ឈប់ការសាងសងបន្ថែមពីការព្រៀងគ្នា ដោយឡែក ១គ្រួសារទៀតបានធ្វការចាក់ដីលើដីចំណីអាំង គ្រោងនឹងសាងសាងផ្ទះ តែត្រូវបានក្រុមការងារធ្វើការហាមឃាត់ទាន់ពេលវេលា៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 1 ថ្ងៃមុន