នៅរសៀលថ្ងៃអាទិត្យ ១១រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៧ ខែឧសភា ឆ្នាំ២០២០ ដោយមានគោលការណ៍អនុញ្ញាត្តពី ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត បានដឹកនាំក្រុមការងារជំនាញចុះវាស់វែង និងធ្វើការផ្ទៀងផ្ទាត់ទិន្នន័យដីវិវាទ ដែលមានប័ណ្ណកម្មសិទ្ធិ និងធ្វើការបោះបង្គោលព្រំដី ដើម្បីធ្វើការបញ្ចប់វិវាទ របស់បងប្អូនប្រជាពលរដ្ឋចំនួន ១០ គ្រួសារ នៅភូមិក្រពើសែសិប ឃុំបឹងប្រាំ ស្រុកបវេល ខេត្តបាត់ដំបង ដែលមានការអញ្ជើញចូលពីលោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោក អភិបាលស្រុក ការិយាល័យជំនាញស្រុក មេឃុំ មេភូមិ ព្រមទាំងអ្នកពាក់ព័ន្ធមួយចំនួនទៀត៕