នៅរសៀលថ្ងៃសុក្រ ៩រោច ខែពិសាខ ឆ្នាំជូត ទោស័ក ព.ស ២៥៦៣ត្រូវនឹងថ្ងៃទី១៥ ខែឧសភា ឆ្នាំ២០២០ លោក អ៊ុយ សុធាវី អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្ត ដឹកនាំកិច្ចប្រជុំអំពីករណីបទល្មើសធនធានធម្មជាតិ នៅតំបន់ព្រៃលិចទឹកបឹងទន្លេសាប ក្នុងភូមិសាស្ត្រខេត្តបាត់ដំបង និងករណីស្នើសុំស្តារបឹងតាគម ដែលភូមិតាគម ឃុំតាគម ស្រុកឯកភ្នំ ខេត្តបាត់ដំបង ។

នៅក្នុងកិច្ចនេះក៏មានការអញ្ជើញចូលរួមពីលោកប្រធានមន្ទីរធនធានទឹក និងឧតុនិយមខេត្ត ប្រធានមន្ទីរកសិកម្មខេត្ត មន្ទីរវប្បធម៌ខេត្ត នាយករងរដ្ឋបាលខេត្ត លោកអភិបាលស្រុកឯកភ្នំ ស្រុកមោងឫស្សី នាយកខ័ណ្ឌរដ្ឋបាលជលផល និងអ្នកពាក់ព័ន្ធមួយចំនួនទៀត៕