នៅរសៀលថ្ងៃចន្ទ ៥រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១១ ខែឧសភា ឆ្នាំ២០២០ លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាត់ដំបង ទទួលបន្ទុកវិស័យដីធ្លី និងជាតំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្ត បានដឹកនាំកិច្ចប្រជុំពិភាក្សាអំពីករណីវិវាទដីធ្លីនានា ដែលរដ្ឋបាលខេត្ត បានបង្វែសំណុំរឿងទៅរដ្ឋបាលក្រុង ស្រុក និងមន្ត្រីជំនាញ ដើម្បីធ្វើការសម្របសម្រួល ដោះស្រាយ ព្រមទាំងបំភ្លឺជូនរដ្ឋបាលខេត្ត ។

នៅក្នុងកិច្ចប្រជុំនេះមានការអញ្ជើញចូលរួមពី លោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោកអភិបាល អភិបាលរងក្រុង ស្រុក លោកនាយករងរដ្ឋបាលខេត្ត លោក នាយកស្តីទី ទីចាត់ការអន្តរវិស័យ មន្ត្រីភូមិបាលក្រុង ស្រុក និងអ្នកពាក់ព័ន្ធមួយចំនួនទៀត៕