រដ្ឋបាលខេត្តបាត់ដំបង

Battambang Administration

រដ្ឋបាលខេត្តបាត់ដំបង

Battambang Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម ងិន ឃន និងឯកឧត្តម ងួន រតនៈ បានអញ្ជើញសំណេះសំណាលជាមួយកម្មករអនាយ័ម និងសម្អាតបរិស្ថាន ក្រុងបាត់ដំបង ប្រមាណ ១១០ នាក់ និងផ្តល់ជូនអង្ករ និងគ្រឿងឧបភោគ ឧបរិភោគមួយចំនួនផងដែរ

ដោយ Sotheavyចំនួនទស្សនា (561)

នៅរសៀលថ្ងៃព្រហស្បតិ៍ ១រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៧ ខែឧសភា ឆ្នាំ២០២០ ឯកឧត្តម ងិន ឃន អ្នកតំណាងរាស្ត្រមណ្ឌលខេត្តបាត់ដំបង និង ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជួបសំណេះសំណាលជាមួយបងប្អូនដែលជាកម្មករ បោសសម្អាតអនាម័យនិងបរិស្ថាននៅក្នុងទីប្រជុំជនក្រុងបាត់ដំបងប្រមាណ ១១០ នាក់ ជាកម្មករកម្មការិនីមកពីក្រុមហ៊ុនប្រមូលសម្រាម “ស៊ិនទ្រី” និង ក្រុមហ៊ុន “លៀប លឹម” ដោយបានពាំនាំនូវអំណោយអង្ករ ចំនួន១០ គ.ក្រ និង គ្រឿងឧបភោគ-បរិភោគមួយចំនួន ដូចជា៖ មី សាប៊ូ ទឹកត្រីទឹកស៊ីអ៊ីវ ម៉ាស់និងថវិកាចំនួន១ម៉ឺនរៀល សម្រាប់ជូនដល់បងប្អូ
នកម្មករម្នាក់ៗ ដែលបានប្រព្រឹត្តទៅនៅក្រុងបាត់ដំបង។

ឯកឧត្តម ងួន រតនៈ បានថ្លែង និងបានសំដែងនូវការដឹងគុណចំពោះឯកឧត្តម ងិន ឃន អ្នកតំណាងរាស្ត្រមណ្ឌលខេត្តបាត់ដំបង ដែលកន្លងមកនិងជានិច្ចជាកាល តែងតែផ្សារភ្ជាប់ពីសុខទុក្ខរបស់ប្រជាពលរដ្ឋ ជាង១០ឆ្នាំមកនេះក្នុងកិច្ចការមនុស្សធម៌គ្រប់កាលៈទេសៈ និងការកសាងនូវសមិទ្ធផលនានាជាច្រើនទៀតក្នុងក្រុង និងបណ្តាស្រុកមួយចំនួនទៀតក្នុងខេត្តបាត់ដំបង។ ជាក់ស្តែង នៅថ្ងៃនេះ ឯកឧត្តម បាននាំយកនូវអំណោយជាស្បៀងអាហារបន្តិចបន្តួច ដើម្បីជួយផ្គត់ផ្គង់ដល់ការលំបាករបស់បងប្អូននិងក្មួយៗជាកម្មករ ក្នុងក្រុមហ៊ុន ស៊ីនទ្រី និងក្រុមហ៊ុន លៀប លឹម ដែលក្រុមហ៊ុនប្រមូលសម្រាមក្នុងក្រុងបាត់ដំបង ខេត្តបាត់ដំបង។

នៅក្នុងឱកាសជួបសំណេះសំណាលជាមួយ បងប្អូនកម្មករអនាម័យនិងសម្អាតបរិស្ថានក្នុងក្រុងបាត់ដំបង ទាំង១១០នាក់ ឯកឧត្តម ងិន ឃន អ្នកតំណាងរាស្ត្រមណ្ឌលខេត្តបាត់ដំបង បានថ្លែងថា ៖អំណោយជាស្បៀងអាហារ រួមមាន៖អង្ករ មី សាប៊ូ ក្រមា ទឹកត្រី ទឹកស៊ីអ៊ីវ ម៉ាស់ និង ថវិកាចំនួន១ម៉ឺនរៀលនេះ គឺជាអំណោយដ៏ថ្លៃថ្លា របស់សម្តេចក្រឡាហោម ស ខេង ផ្តល់តាមរយៈ ឯកឧត្តម ផ្ទាល់ ដើម្បីឧបត្ថម្ភជួយសម្រាលពីការលំបាកជីវភាពរស់នៅប្រចាំថ្ងៃបងប្អូន។ដោយឡែក ម៉ាស់ ចំនួន១០បន្ទះនេះ គឺជាអំណោយរបស់ឯកឧត្តម ងួន រតនៈ អភិបាលខេត្តបាត់ដំបង សម្រាប់ប្រើប្រាស់បំពេញការងារប្រចាំថ្ងៃ។

ឯកឧត្តម ងិន ឃន អ្នកតំណាងរាស្ត្រមណ្ឌលបាត់ដំបង បានថ្លែងសង្កត់ធ្ងន់ទៀតថា៖ ជានិច្ចជាកាល និងគ្រប់កាលៈទេសៈ ដែលបងប្អូនជួបប្រទះការលំបាក គឺមានតែក្រុមការងារទាំងថ្នាក់ជាតិ និអាជ្ញាធរដែនដី តែងតែជួយដោះស្រាយនូវបញ្ហានិងការលំបាកជូនដល់បងប្អូន និង ឆ្លើយតបបានទាន់ពេលវេលា ដោយមិនប្រកាន់នូវនិន្នាការនយោបាយឬព៌ណសម្បុរអ្វីឡើយ។ ហើយបើទោះបីពេលនេះ អំណោយទាំងនេះតិចតួចក៏ពិតមែន តែវាបានជួយសម្រាលដល់ការលំបាករបស់បងប្អូនបានមួយគ្រាផងដែរ។

ជាមួយគ្នានេះ ឯកឧត្តម ងិន ឃន ក៏បានថ្លែងនូវការកោតសរសើរចំពោះបងប្អូនដែលជាកម្មករក្នុងក្រុមហ៊ុនទាំង២ ខាងលើផងដែរ ដោយបានគូស បញ្ជាក់ថា៖ បងប្អូនទាំងអស់ ក៏មានចំណែករួមយ៉ាងសកម្ម ក្នុងការធ្វើឲ្យទីក្រុងស្អាតប្រកបដោយអនាម័យនិងបរិស្ថានស្អាតល្អ។ ប្រសិនបើគ្មានវត្តមាន កូនក្មួយ ចៅៗ ទាំងនេះទេ ទីក្រុងយើងក៏មិនបានស្អាតល្អដែរ។ ដូចនេះ ក្មួយៗ ត្រូវតែបន្តខិតខំក្នុងការប្រមូលសម្រាមតាមទីប្រជុំជននៅក្នុងក្រុងយើងឲ្យបានកាន់តែស្អាតល្អបន្ថែមទៀត។គឺធ្វើយ៉ាងណា ឲ្យទីក្រុង-ខេត្តបាត់ដំបង នៅតែរក្សាខ្សែក្រវ៉ាត់ “ជាទីក្រុងស្អាតផ្ការំដួល៣ទង” បន្តទៀត។

   

ឯកឧត្តមអ្នកតំណាងរាស្ត្រ ក៏បានថ្លែងក្រើនរំលឹកនិងដាស់តឿនដល់កូនក្មួយជាកម្មករទាំងអស់ថាស្ថិតក្នុងស្ថានភាព ជម្ងឺកូវីដ-19 នៅមិនទាន់ធូរស្រាលនៅលើពិភពលោកនិងពីបណ្តាប្រទេសជិតខាងក៏ដោយ។ជាពិសេសនៅកម្ពុជាក៏មិនទាន់ជាសះស្បើយអស់នៅឡើយ ហើយមកទល់ពេលនេះអ្វីដែលកូនក្មួយត្រូវប្រកាន់ឲ្យខ្ជាប់ខ្ជួននោះ គឺការធ្វើអនាម័យជាប្រចាំក្នុងការលាងសម្អាតដៃនិងសាប៊ូ អាល់កុលនិងជែលដើម្បីសុខភាពអាយុជីវិតផ្ទាល់ខ្លួនម្នាក់ៗនិងដើម្បីបញ្ចៀសបានពីការឆ្លង និងការចម្លង នូវមេរោគកូវីដ-19 នេះឲ្យបានដាច់ខាត៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យ016 717 129
017 448 348
លេខសង្គ្រោះគ្រោះថ្នាក់ចរារចរណ៍015 836 969
077​ 747 496
លេខទទួលព័ត៌មាន(ប៉ូលីស)0977780014

BATTAMBANG WEATHER

ព័ត៌មានជាប់ទាក់ទង

ផ្លូវលេខ 1, ទល់មុខស្ពានថ្មចាស់បាត់ដំបង

អ៊ីមែល : info@battambang.gov.kh

លេខទូរស័ព្ទ : (+855)53 732 137

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តបាត់ដំបង

កែប្រែចុងក្រោយ : 3 ថ្ងៃមុន